-
مشكلة نفسية
انا عندي ٢٦ سنه ومخطوبة وقربت اتجوز والمشكلة دي مأثرة ع علاقتي بخطيبي اكتر م اي حد تاني <div>
انا عارفة ان ف حاجات محتاجة سيشن طويلة وجلسات علاج مستمرة مش مجرد سؤال واجابة
بس انا معنديش اوبشن تاني للاسف
بس انا بتوتر بسرعة جدا ومش بصبر ع حاجة وبخاف من كل حاجة حواليا وبخاف حد يسبني ويمشي وطول الوقت محتاجة احس بامان واطمئنان طول الوقت بهدى بوجود شخص جمبي مبقدرش اكون لوحدي مبشوفش اني حلوة ثقتي ف نفسي معدومة تقريبا طول الوقت بدور ع حد اكلمه عشان احس اني مش لوحدي وعايزة اتكلم كتير والكلام مبيخلصش ولو خلص بشوف غيره طاقتي مش بتخلص ونفسي تخلص وانفجر بستحمل حاجات انا عارفة انها فوق قدرتي ومش عارفة امتي هوقفها بضغط ع كل ااي حواليا غصب عني وبعيط كتير زي الاطفال لو حد مسمعنيش للاخر او قاطعني طول الوقت حاسة ان لازم حد اعتمد عليه حتى لو اقدر اعتمد ع نفسي بخاف حد يعرف اني بعرف اعمل حاجة لوحدي لحسن يبعد عني
انا معرفش ايه مشكلتي تحديدا بس انا عندي مشاكل ف الطفولة والمراهقة اد كده وتجارب سيئة كتير وعلاقتي باهلي مش صحية ومش مرضية بالنسبالي ع الاقل ف معظم فترات حياتي
</div>
-
3 Replies
-
السلام عليكم
قرأت رسالتك ولاحظت سبب المشكله في اخر سطرين وهما :ان علاقتك بالاهل غير مرضيه ليكى وبها مشاكل كتيره
لذلك سجلت ليكى اوديو برد فيه علي سؤالك
و اتمنى لكى كل الخير و التوفيق باذن الله
-
اهلا بيكي، مفيش حد هيبعد لمجرد أنه حس انك بتعرفي تعملي حاجة لوحدك بالعكس الاعتمادية بتكون هي السبب اكتر.
وجود الناس حوالينا مهم لكن مهم برضه أننا نقرب من نفسنا
وزي ما قولتي الموضوع محتاج وقت أطول لتوضيح حاجات كتير مش مجرد سؤال وجواب
فيه اماكن بتكون مجانية أو بأسعار مخفضة لو المشكلة مادية، وفيه بيشتغل اون لاين لو المشكلة في انك تخرجي.
Log in to reply.