-
لغبطة هرمونات وتكيس على المبايض
مساء الخير
انا من فترة كدة بدء يظهر معايا شعر كثيف وسميك فى وشى وبالتبعية ظهر فى باقى الجسمروحت لدكتور جلديه تقولى ايه السبب فى كدة بس لما قولت ليها الاعراض قالت ليا اتابع مع دكتور نسا افضل لان الهرمونات مش مضبطة فى جسمى
بناء على كلامها روحت تابعت مع دكتور نسا وعملت تحليل FSH / LH النتيجة بتاعته ظهرت وكانت 4.5 غالبا
الدكتور قالت إن المبيضين عندى ادئهم ضعيف وكتبت ليا علاج١ /سيدولوت نور ده قبل البريود لمدة ٣ ايام
٢/ تاموكسيفين بعد اليوم التانى من البريود لمدة ١٠ اياماخدت العلاج ده لمدة ٣ شهور
الدوا كان ليه اعراض كتيرة او مش عارفة هى ديه كانت وظيفته او ايه بالضبط
هو كان بيخلى البريود تقيلة اووووى وكتل وكمان كانت بتيجى بوجع فظيع مش بستحمله على غير العادىلما سألت الدكتور قالت ده عادى بس انا كنت قررت اروح لحد تانى
روحت فعلا لدكتورة تانية ورتها التحاليل والعلاج قالت ليا العلاج ده ملوش لازمة ومش مناسب مع حالتك اصلا
قالت كمان انى مش محتاجة علاج وعادى اكمل كدة طالما لسه انسة
مطلوب منى بس
انى اخس وانزل وزنى شوية اكتر من كدة مفيشسألتها اعمل ليزر او لاء مش هيجيب نتيجة قالت عادى مفيش مشكلة اعمليه
روحت بقى اعمل الليزر بناء على كلامها
عملت ٦ جلسات
بس لسه الشعر بيطلع كتير يدوب بس كثافته قلت سألت الدكتورة اللى بتابع معاها قالت ليا لازم ترجعى تانى لدكتور نساروحت لدكتور نسا تالت عشان اشوف فين المشكلة وطلب منى اشعة على الحوض وتحاليل
قالى احنا لازم نحدد المشكلة فين ونبدء نحلها
النتيجة حاليا بتاعهم ظهرت هبعتهم لحضرتك ممكن تقول ليا المشكلة فين ؟
-
1 Reply
-
<div>
</div>بصي حبيبتي دي حالة متلازمة تكيسات pco
مش محتاجه الفترة دي تاخدي حاجه لو انتي لسه آنسة هتبقي طبيعه دورتك بتيجي كل شهرين او 3
باذن الله لما يحصل ارتباط وجواز نبقي ناخد علاج عشان الحمل
بالنسبة للهرمونات في لغبطه بس بسيطه ومحتاجين نظبطها بالدايت لو الوزن زايد نقلله ونعمل تحليل سكر صايم نطمن عشان لو ممكن نحتاج سيدوفاج ده علاج بيقلل نسبة السكر ف الدم وبيمنع زياده الوزن ممكن ناخده مرتين ف اليوم تركيز 500 قبل الاكل
بس نطمن الاول علي مستوي السكر ف الدم
ولازم نقلل الوزن
والشعر طبيعته هتبقي كده والاستجابه عندك قليله بسبب لغبطه الهرمونات ودي حاجه طبيعيه مع حالات ال pco
في حل كويس اننا ناخد حبوب منع الحمل زي الياسمين او نوع اسمه تكنو اسبيرون مش هيعملك اي مشاكل بالعكس هيظبط الهرمون عندك وممكن يقلل من كثافه الشعر
بناخده 21 يوم ونوقف اسبوع بتنزل فيه البريود ونرجع ناخد بعد اسبوع
ممكن تمشي عليه 3 شهور مع جلسات الليزر
Log in to reply.