-
عدم البكاء
عندما يحدث معي شيء محزن يدعي للبكاء كالموت احد الاقارب مثلا واكون في مكان عام توجد فيه الاشخاص لا استطيع ان ابكي حتى لم كانت دموع في عينيا لا استطيع ان اخرجها
-
2 Replies
-
السلام عليكم
مشكله عدم البكاء ممكن تكون لها اسباب عضويه او اسباب نفسيه او ماتكونش مشكله من اصله
عضويه … لو فيه مشكله في مجرى الدمع او انسداد فيه وده بالكشف ممكن تتاكدى من سلامه مجرى الدمع
نفسيه … انك تكونى من الشخصيات الكتومه في تعاملاتك مع الناس ، فلما بيحصل موقف او حادث او حاله وفاه بيكون رد فعل عقلك الباطن (بدون تحكم منك ) ان ماينفعش تظهرى مشاعرك او تبان دموعك قدام اى حد او تبانى ضعيفه امام الناس
وممكن كان فيه حد من صغرك في التربيه وانتى صغيره ، كان بيرغمك على عدم البكاء او يشخط فيكى علشان تسكتى وماتعيطيش او كان بيتقالك اوعي تعيطى او بيتقالك لو عيطى هنضربك …. وهكذا
كل دى احتمالات لانى معرفش طبعا طريقه التربيه اللى مريتى بيها في صغرك
واخيرا … ممكن ماتكنش مشكله من اصله ، وده لان الشخص اللى مات مثلا مكانش له معزه جامده في قلبك تجاهه او مفيش ذكريات حلوه مرت بينكم فتفتكريها فتنزل دموعك غصب عنك ،
دى كلها احتمالات لعدم البكاء .
واتمنالك انك لا تبكى على غالى ولا على عزيز لديكى ابدااا ويكون بكائك دائما بكاء من شده الفرح والسرور دايما باذن الله
-
السلام عليكم عزيزتي السائلة اهلا وسهلا بيكي
دي حاجة يافندم عندنا في علم النفس تسمي تبلد المشاعر وتبلد المشاعر دي احد اعراض اضطراب معين بدون ذكر اسم الاضطراب ولاكن ده بيحصل في حالة ان انا تحملت ضغوطات كتير جدا الفترة اللي فاتت ومعنديش القدرة ان انا اتحملها من كتر التحمل بيحصل عملية تبلد في المشاعر ان انا مش بقدر ابكي زي الناس الطبيعية بننصح ان حضرتك تحاولي تفرغي الطاقة السلبية اللي جواكي مع احد المختصين عشان تقدري ترجعي لحياتك الطبيعية ومشاعرك الطبيعية وكمان احنا بنعملك اختبارات خاصة بالمشاعر بنحاول اننا نظبطهالك
مع ارق التحية نتمني لك الشفاء العاجل
Log in to reply.