-
خيانه
انا مرتبطه بواحد لمده اربع سنين ع مدار الاربع سنين كان يكلم بنات وارجع انا اعرف ويحس بندم شديد ويعتذر كتير ويعترف بغلطه والتقصير ف حقى وحاسس بالذنب ومينكرش الموضوع اتكرر اربع مرات وكل مره بسامح وارجع مع ان اخر مره عرفته انه هيخسرنى ومكملش شهر واكتشفت انو بيكلم واحده واهملنى انا الموضوع عمره مكان يوصل بينهم لارتباط لان صعب يحب واحده عموما بس هو بيحبنى وكان عاوز يبعد عنى وقتها عشان بيتوب وعاوزنى ابق من نصيبه ومش عاوز يغصب ربنا فيا وكان مستمر معاها ف الكلام والاهتمام ، هو وهو صغير اهله قاسيين وابوه شخص سام ، وهو فيه عاده انو ينتف شعره ومره يتحمس لحاجه ومره يفقد الشغف وانا كنت مستحمله ومتقبله كل دا وحجات كتير ف هل كد هو عنده اضطراب ثنائى القطب او اى مشكله نفسيه ؟ونوعها؟
-
3 Replies
-
مساء الخير اهلا بيكى … اولا مبسوطة من تحليلك لحالته اكيد تربيته وعدم توجيه الصح اساس في اللى هو فيه المهم هنا انتى الافضل انك تسيبه لانه مش هتغير بلاش تستمرى معه لانه شخص سام جدا لنفسه وللاخرين بالتالي ابدى انتى حياتك مع حد اخر محترم يتقي الله لان من اصعب الشخصيات لم يتم الارتباط بيهم في الراجل الخائن والبخيل والنرجسي والكاذب والطمع
علشان اخدى قرارك بعد استخيرتك لربنا بالقرار الصح ان شاء الله ربنا يدلك ع الطريق الصح مع الانسان اللى يستحقك
-
السلام عليكم
من رسالتك عرفت قد ايه ربنا بيحبك لانه اظهرلك عيوب الانسان ده على مدار اربع سنوات ضيعتيهم من عمرك في علاقه سامه وشخص غير سوى نفسيا ، بيلعب ببنات الناس باسم الحب و وبيلعب على احساس الامومه عندك ( اللى موجود في كل انثي ) انك تقفى جنبه وتستحمليه وتحاولى اصلاحه وتصبرى عليه والوعود الكاذبة بانه هايتغير ومش هايرتكب الافعال دى تانى …… وهكذا
لحد ما تقعى في شباكه وتتجوزيه وتبدا معاه اسوأ حياه ممكن تعيشيها على وجه الارض واللى بتكون غالبا نهايتها مأساويه
فرى هاربه من اى انسان غير سوى وغير مسئول وبيرتكب محرمات وبيخون و بيؤذى نفسه لانه بعد كده هايؤذيكى انتى لما يمتلكك و ساعتها هايكون التخلص منه بصعوبه شديده ويمكن مستحيل الا بخسائر فادحه .
اهربى …..🏃♀️
-
السلام عليكم عزيزتي السائلة اهلا وسهلا بيكي
من الواضح ان سن حضرتك او اللي بتتكلمي عنه في فترة مراهقة وفترة المراهقة دي في تغيرات كتير بتحصل للانسان منها اللي بتتكلمي عنها ان بتحصل تقلبات مزاجية احنا في الحالة دي بننصح الشخص اللي عنده مشكلة يتعامل مع متخصص عشان يظبطله المشاعر و افكاره في الفترة دي لانه بيبقي متخبط
مع ارق التحية نتمني لك الشفاء العاجل
Log in to reply.