-
تنمر وعادة
انا اتقفل عليا وأنا صغير، دايرة حبايبي كانت كبيرة لكن معنديش أصحاب بجد. وكمان وأنا صغير كنت بتعرض لتنمر بسبب جسمي عشان كنت تخين، ومحدش كان بيحب يصاحبني.
دخلت مرحلة الإعدادية، وكنت بخاف أروح المدرسة عشان العيال كانت بتضربني وبتتنمر عليا. فبقيت في حالي خالص، مجرد بتفرج عليهم أو أسمعهم من بعيد. حياتي كانت عبارة عن إني أتفرج على الأهلي وأذاكر، ولو مذاكرتش أو قصرت أمي كانت بتضربني.
كنت بصلي وأدعي وأقول: “يارب خلّي شكلي حلو حتى لو هتمرضني وتجيبلي مرض يخسسني”، وده كان في تالتة ثانوي وهنرجع له بعدين.
في فترة الإعدادية سمعت شوية شباب في سني بيتكلموا عن الجنس والعادة السرية، وللأسف الفضول خدني ومن وقتها اتفتح عليا باب أنا مش قادر أقفله. الموضوع ده بقى هو الصاحب ليا، صديقي الخفي.
الإعدادية خلصت إن بابا مسكني وأنا نايم، وكنت ناسي أقفل فيديو مش كويس. تاني يوم اتضربت ضرب مبرح، ومحدش قعد معايا يفهمني ده صح ولا غلط.
دخلت مرحلة الثانوي، دايرة حبايبي كبرت لكن لسه مفيش أصحاب. ومازلت بعمل نفس الفعل، ولسه عندي رهاب اجتماعي وخوف وعدم ثقة. جسمي كان سبب تنمر اللي حواليا، وفي لفظ عمري ما هنساه، كل ما أفتكره بيجيلي غصة في قلبي.
نفسي أجرب شعور الارتباط، بس كنت حاسس إن محدش هيحب شكلي. فمبقاش معايا غير الصاحب الفاسد اللي إنتي عارفاه يا ندى.
في تالتة ثانوي حبيت بنت، ومش عارف هي حبتني إزاي، المهم كملنا مع بعض لحد ما دخلت كلية، وبعدها كسرتني وسابتني. وساعتها اتحققت دعوتي: “يارب أخس حتى لو هتمرضني”. بقي عندي مشاكل في الكلى والقولون، وهما اللي خلوني أخس من 130 كيلو لـ70 كيلو في شهر، والدكاترة مش لاقيين سبب واضح.
دخولي الكلية كان أكبر خوف بالنسبة لي: شكلي، والناس، والصحاب اللي مش بتتعوض. بس زياد لسه معاه صاحبه الفاسد.
لما دورت لقيت إن عندي سلوك مش طبيعي: تلعثم، عدم ثقة، عصبية مفرطة.
أنا موجوع أوي… إزاي أبقى رب أسرة وزوج وأنا مهووس بالقرف ده؟
-
0 الإجابات
آسف ، لم يتم العثور على ردود.
Log in to reply.