-
القاهرة
حضرتك أنا كنت مخطوبه من حوالى سنه ونصف علشان خاطر خطيبى كان بيقولو أن احنا معمول لينا عمل وانا كنت المقصودة وبعدين فشكلت الخطوبه وكنت تعبانه شويه وبعدين اتخطبت لواحد تانى بعد بكام شهر وبعد الاتفاق بقيت حاسه انى مش مبسوطه ومش عايزة اتكلم مع خطيبى وأقوم من النوم مخنوقه واقعد ارجع وبعدين كان خطيبى أما يجى ابقى مش عايزة اقعد معاه ولا حد يتكلم معايا على الخطوبه ولا اى حاجه تخص الخطوبه وكنت مخنوقه علطول وبعدين فشكلت لاقيت الخنقه لسه روحت لدكتور أدنى علاج وارتحت شويه وقطعت العلاج وبعدين بقيت كل اما يجى حد يتقدم الاقى نفسى رجعت تانى لنفس الخنقه ونفس كل حاجه ومش بعرف أصلى صلاه استخارة خالص من كتر الخنقه ومبعرفش اخد قرار خالص خالص💔💔
-
3 Replies
-
السلام عليكم
عزيزتى السائلة فى بعض او كثير من الاوقات نمر بأوقات عصيبة تؤدى بنا الى ضعف فى الارداة وخمول وضيق وعند الخروج منها تظل اروحنا وافكارنا ومشاعرنا وانفعالتنا غير منتظمة ونحتاج فى هذا الوقت لمن يستطيع ان يفهمنا كيف نتعامل مع مثل هذه الحالات ولابد من تدخل اخصائي محترف لكى يستطيع ان يراه ما لا تسطتيعن ان تعبري عنه بالكلمات ، بعد ذلك يعالج الخلل ان كان صراع داخلى مثلا لابد من انهاء الصراع اولاً ومن ثم كل الامور سوف تحل تدريجيا …
مع خالص الشكر
تمنياتي بالشفاء العاجل
-
محتاجة تاخدي فترة للراحة ومراجعة الاختيارات والأولويات. دعيني أسألك الآن ما هي الشروط الأساسية التي ينبغي أن تتوفر في الشاب كي يمكنك الزواج به؟ أنت بحاجة إلى دراسة الأمر بالورقة والقلم في ظل عدم وجود عريس على الإطلاق تفكري بهدوء وتروي وتحطي شروطك وتحددي مبادئك قبل حتى ما تكوني شفتي العريس.
عشان مانقولش كلام نظري. في مثلا بنت مقررة إن الشاب اللي أتزوجه لازم يكون عنده شقة تمليك ، وأخرى تحدد أن لديه وظيفة ثابتة ، وتلك تحدد أنه يواظب على الصلوات الخمس بالمسجد ، وهذه تشترط السماح لها بالخروج إلى العمل . أنت ما شروطك؟ وعلى أي أسس تقيمين هذا الشاب أو ذاك؟
الدواء في حد ذاته لن يعالج مشكلتك الحالية من تخبط وعدم اتضاح الرؤى. لابد من دراسة وقراءة واستشارة قبل صلاة الاستخارة التي ينبغي أن تصليها بعد عقد العزم على الفعل وليس لأنك في حيرة وتتلمسين أية إشارة على طريقة “حادي بادي كرومب زبادي). أتمنى تكون الخاتمة خفيفة على قلبك. ربنا يجبر بخاطرك ويلهمك حسن الاختيار ثم العمل بمقتضاه.
Log in to reply.