-
الارتباط والاستخارة
انا بحب بنت خالتي من 4 سنين كلمت خالتي واتقدمت واخوها رفضني والدها متوفي اخوها رفضني كذا مره اخر مره من قريب عشان جواز القرايب انا فضلت اقوام وقولت اركز في شغلي عشان اجيب شقه واعمل اللي عليا وهيا فضلت تشجعني وتقولي هستناك العمر كله انا كنت عصبي وكئيب شويه لما بخرج معاها بس كنت حنين عليا جدا وعمري ماشتمتها ولا اذتها ولا ظلمتها من فتره قريبه بعدت واتغيرت من غير اسباب حاولت ومعرفتش كل شويه تقول مش مرتاحه وتعبانه نفسيآ وعاوزه اروح لدكتور حاولت اغير من طباعي عشان حسيت اني ممكن اكون انا السبب وحاسس بالذنب بقيت اقولها ارجعي انا بحبك جدا واتغيرت كتير حتي في البوستات اللي بنزلها مابقتش انزل حاجات حزينه خالص قالتلي ملاحظه انك اتغيرت كتير للأحسن بس جات متاخر وانا اتغيرت للأسوء كل شويه تكلمني وترجع تقولي احنا مش هننفع نكمل بقيت اقولها طب ليه بتكلميني واتعلقيني بيكي وفي اخر المكالمه تقوليلي انا مش عارفه ارجع زي الاول قالتلي بكلمك عشان فكرالك الحاجات الحلوة اللي كنت بتعملها معايا انا جالي سفر في الخارج من شهر وماشي كمان اسبوع ان شاء الله كلمتني وقالتلي عاوزه اشوفك قولتلها اشوفك في الحلال راجعي نفسك وحاولي تقنعي اخوكي انه يوافق عليا لو كدا هاجي انا واخواتي ونقرأ فاتحه ونلبس دبل قبل مسافر قالتلي اخويا مش هيوافق وانا لسا متخرجه مش بفكر في جواز دلوقتي انا عاوزه اشتغل وانا صليت استخاره ومش مرتاحه قولتلها ربنا يسعدك وقطعت علاقتي اخويا راح زارهم من يومين فكلمها قالها احمد متعلق بيكي انتي عاوزاه قالتله جيت متأخر قالها في حد في حياتك يعني قالتله لا بس انا مش مرتاحه اخويا قالي انسي الموضوع دا خالص مع اني صليت استخاره اكتر من مره ممكن يكون كل اللي حصل دا علامات الاستخاره وهل ينفع اصلي استخاره تاني وادعي ربنا انه يجمعني بيها في الحلال ولا خلاص كدا هيا قفلت الموضوع حاسس اني بعد العشره دي كلها وسابتني في اكتر وقت محتاجلها فيه ان في بديل في حياتها مش عارف هوا في بديل ولا هيا تعبانه ولا ايه مابقتش فاهم اي حاجه
أرجو الإفادة افادكم الله آسف لو أطلت في الكلام -
1 Reply
-
مشاعر الانسان وحدتها تتغير مع تقدم الانسان في العمر .. كثير من مشاعر الحب والكره تتغير مع مرور الوقت وكثير من العلاقات العاطفية التي تبدأ في الصغر تتغير بعد مرور بعض الوقت ومع زيادة رشد الانسان وفهمه لقوانين الحياة وطبيعتها.
الحب والكره أيضا من المشاعر التي لا يستطيع الأنسان أن يتحكم فيها لكن يمكنه أن يمتنع عن أسبابها .. اذا كان الانسان في فترة يعلم أنه لا يستطيع فيها الارتباط بفتاة لظروفه الاقتصادية و الاجتماعية فمن الأفضل أن يغلق هذا الباب في بدايته قبل أن يصبح قلبه أسيرا لأنسان لا يستطيع أن يرتبط به.
الكثير من المشاعر التي تمر بها هي مشاعر مصاحبة لحالات الفقد التي قد تصيب أي انسان يفقد شيئا عزيزا عليه .. يمر الانسان بثلاث فترات، المرحلة الاولي هي فترة عدم التصديق أنه فقد هذا الشي ويقنع نفسه أن هذا الفقد مؤقت وأنه سيعود له حتما .. المرحلة الثانية يبدأ الانسان في تقبل هذا الأمر جزئيا لكن يحاول جاهدا استعادة هذا الشي وعادة ما تبوء تلك المحاولات بالفشل لانها تكون غير منطقية .. المرحلة الثالثة يبدأ الانسان في تقبل الأمر ويعلم أنه خسر شيئا عزيزا عليه ويبدأ الاستمرار في حياته .. بعض الناس يتوقف عند المرحلة الاولي او الثانية ويقضي عمره في محاولة لاعادة هذا الشي الغالي عليه.
التسليم للأقدار والرضا بها أمر مهم لصحة الانسان النفسية .. ليس كل شيء نريده في هذه الحياة نحصل عليه .. تقبل أن تلك الفتاة قد لا تكون من نصيبك أمر مهم لصحتك وسلامتك النفسية .. ومن أجمل ما كتب الإمام الشافعي في ذلك :
دَعِ الأَيّامَ تَفعَلُ ما تَشاءُ …. وَطِب نَفساً إِذا حَكَمَ القَضاءُ
وَلا تَجزَع لِحادِثَةِ اللَيالي … فَما لِحَوادِثِ الدُنيا بَقاءُ
وَكُن رَجُلاً عَلى الأَهوالِ جَلداً … وَشيمَتُكَ السَماحَةُ وَالوَفاءُ
Log in to reply.