الاكتئاب والقلق

Question

بقيت حاسه انى شغفى مش موجود ولا قادره اعمل حاجه ولا عايزه اعمل حاجه بضيع مستقبلى قدامى وحاسه انى محبوسة في الماضي بكل حاجه وجعانى كأنها حصلت دلوقتي مش عارفه اكمل وبهرب بالخروج أو النوم حاسه اني نفسي انعزل وعلى طول عقلى مش بيوقف تفكير مش قادره اذاكر خالص ولا قادره امسك كتاب ومهما بصلى وبدعى مش قادره وخايفه دايما

This discussion was modified 5 months, 2 weeks ago by  صحة سكاي.

drsuzanrabeaagmailcom · Answer

صباحك خير ليك بعض النصائح تمكنك من التخلص من القلق والتفكير الزائد… اولا التحدث الايجابي مع نفسك احكي مع نفسك بالايجابية انت انسانة مميز وده دليل انك بيدور  ع الحل .. ثانيا القراءة المستمرة بالصوت مرتفع مع نفسك تحساسك بالثقة في نفسك املئ فراغك دوري ع هواياتك وشغفك ونفسك لانها تستحق تتحب ثالثا الكتابة تساعدك على التعبير عن نفسك عن احساسك ومشاعرك وغضبك الكتابة وسيلة للعلاج والحل هتحكى كل اللى جوايك بكل صدق وحقيقية بالتالي تفريغ الطاقة السلبية هتخرج تقدر وقته تكتشف رسالتك ايه هدفك شغفك مارسي رياضية اعملى تمارين تنفس ويوجا هتساعدك ع تغير افكارك القراءة قبل النوم الاستحمام بالماء الدافيء اشربي نعناع وينسون اعشاب للاسترخاء اكتبي كل مشاعرك ومواقف يومك قبل ما تنامى اسمعى موسيقي هادئة او اذكري الله  انت اصلح من نفسك من اجلك من اجل الاخرين   انا في انتظار ردك للتواصل معايا

taher-atta-abd-el-mohssen-atta · Answer

السلام عليكم عزيزى السائل ....  ارجو من حضرتك تفهم شيء قبل ان تدخل فى صراع مع الادوية وهو اعادة تقييم حالاتك باسرع وقت من قبل معالج نفسي وليس طبيب للوصول الى نقطة جديدة للبداية فى مشوار العلاج ...  اتمنى لك الشفاء العاجل

asmaafouadyahoocom · Answer

هلا يا مريم انتي بتعاني من اعراض اضطراب القلق وانخفاض المزاج الوازع الديني شئ جميل ولكن انتي محتاجة علاج وده اللي ربنا قال عليه عشان كده حاولي اولا انك متهربيش من الافكار اقفي وواجهيها واعرفي دايما ان هروبك من اي شئ هيزود معاناتك منه اسمعيها وحسيها واتناقشي معاها اعرفي انه منها منطقي وواقعي بيساعدك تعيشي حياة احسن وانهي بيعيقك عن انك تعيشي حياتك بحرية ، ثانيا خدي بريك من التفكير لمدة دقيقة واحده ومتقكريش في اي شئ فكري بس في اللحظة اللي انتي فيها اعتبريها استراحة من القلق والتفكير كل ما هتقدري تعملي ده كل ما هتقدري تتحكمي في افكارك اكتر ، وعليكي طبعا بتمارين التنفس والاسترخاء التي ستقلل من حدة القلق وانك تحبي نفسك للدرجة اللي تخليكي تبذلي شوية مجهود النهاردة اللي هيبنيلك حياة افضل بكرة ، انتي بتستثمري في نفسك يعني مجهود مستحيل يضيع . دومتي بخير

موسوعة الأسئلة الطبية

استشارة مجانية

200 نقطة

شارك رابط هذه الصفحة و احصل علي 200 نقطة اذا اشترك أي شخص من خلالك

الاكتئاب والقلق

أسماء فؤاد

دكتور / طاهر عطا عبد المحسن عطا

معالج نفسي سوزان مصطفى ربيع