اخصائية نفسية/ اسماء عبدالعزيز
تم إنشاء إجابة طبيب
-
مساء النور
الل حضرتك بتمر بيه مش سهل خصوصًا مع الغربة والوحدة، بس خليني أقولك إن أعراضك دي منتشرة جدًا مع نوبات الهلع والقلق والاكتئاب، ومش معناها إنك مجنون ولا فيك حاجة خطيرة، حتى لو الإحساس صعب.
موضوع الأدوية زي السيتالوبرام والبوبروبيون والسيرترالين، طبيعي في الأول تحس إنك أسوأ، وده بيحصل مع ناس كتير قبل ما يبدأ مفعول العلاج يظبط. بس ده مش معناه إن العلاج غلط.
السؤال المهم هل هتتحسن؟
أيوه، إن شاء الله بس محتاج شوية حاجات:
1. تكمل علاجك مع الدكتور
2. العلاج النفسي (مش بس أدوية) مهم خاصة لجُزء الخوف والأفكار اللي بتدوخك.
3. حاول تنظم نومك وأكلك شوية، وامشي حتى لو 10 دقايق في اليوم.
4. كل خطوة صغيرة بتفرق، حتى لو حسيت إن مفيش تحسّن كبير.
وصدقني، اللي إنت فيه له علاج، وناس كتير عدّوا بنفس التجربة وبقوا أحسن.
خليك فاكر إنك بتدور على حل وبتسأل رغم التعب ده، ده لوحده علامة إنك قوي.
-
أولًا طريقتك تنفع لان التدرّج ممكن يكون مفيد وفعّال جدًا لبعض الناس، خصوصًا لو كان فيه ارتباط قوي وسلوك متكرر بقاله سنين. التوقف المفاجئ أحيانًا بيكون صعب، وبيؤدي لانتكاسات، فالتدريج بيخلي الجسم والعقل يتعودوا واحدة واحدة
دي حاجات أساسية لازم تعملها
• احذف المواقع والحسابات والتطبيقات اللي بتوصلك للإباحية.
• خليك مشغول جسديًا وذهنيًا (رياضة – تعلم – شغل).
• لو بتحس بفراغ أو توتر، حاول تفرغه في شيء بديل (مشي – كتابة – قراءة).
• لما تيجي الفكرة، ما تقعدش تتكلم معاها ، غيّر مكانك فورًا.
وأهم حاجة:
ما تكرهش نفسك وقت الفشل أو الانتكاسة. الرحلة دي فيها مطبّات، لكن طول ما أنت بتقوم وتحاول، فإنت ماشي في السكة الصح.
sehasky.com
التوقف النهائي أو التدريجي عن مشاهدة الإباحية والعادة السرية || صحةسكاي
أشاهد الإباحية وأمارس العادة السرية من 8 سنوات وعمري حاليا 18 عام حاولت التوقف بشكل نهائي من سنوات ولكن لم ينجح الأمر ، فهل يكون التوقف التدريجي أفضل ، وهل أتوقف عن الإباحية أولا ثم العادة السرية أو الأثنين معا … أكمل القراءة