• الطب النفسي

  أنا أعاني من أفكار قهرية متكررة تشبه الوسواس القهري، بدأت تؤثر على حياتي

  منشور من طرف Vvvvv على 2026-06-29 في 18:37

  دكتور أنا عندي مشكلة بقالها فترة بتتعبني جدًا وبتأثر على حياتي اليومية.

  بتيجيلي أفكار متكررة ومش بعرف أوقفها، أهمها:

  خوف إني أكون متصور أو متراقب من غير ما أعرف، زي حد يصورني من الشباك أو وأنا في البيت.

  وبحس إني لازم أتأكد إن ده مش حاصل.

  وكمان بتيجيلي أفكار إني ممكن أكون ناسي حاجة مهمة، وأفضل أفكر وأراجع في دماغي كتير عشان أتأكد.

  المشكلة مش في الفكرة بس، لكن في رد فعلي:

  بقعد أفكر في الموضوع لفترات طويلة جدًا.

  براجع المواقف في دماغي بشكل متكرر.

  بحاول أطمن نفسي أو أبحث أو أتأكد بأي طريقة.

  وده بياخد مني وقت كبير ممكن يوصل لـ 6–7 ساعات يوميًا.

  وبحس إن:

  لو ما اتأكدتش مش بقدر أرتاح.

  لكن حتى لما أرتاح بيرجع القلق تاني.

  تأثير الموضوع عليا:

  مشتت جدًا ومش بعرف أركز.

  قلق وتوتر أغلب الوقت.

  فقدان وقت كبير في التفكير والمراجعة.

  سؤالي: هل ده وسواس قهري؟ وهل العلاج المعرفي السلوكي CBT أو ERP مناسب لحالتي؟ وإزاي أبدأ العلاج بشكل صحيح؟

  وحاسس إن المشكلة الأساسية عندي إني مش قادر أسيب أي فكرة من غير ما أتأكد منها 100٪

  Vvvvv أجاب منذ 4 أيام و 7 ساعة 1 عضو · 0 الإجابات
• 0 الإجابات

تسجيل الدخول للمشاركة