-
ثنائي القطب
حياتي عبارة عن زجزاج..شوية اكتئاب ومش قادرة اعمل حاجة ..وشوية نفسي اعمل حاجات كتير ف نفس الوقت و زهق و ملل ومبعملش م الافكار الكتير الا قليل خالص
بس الغالب والاكتر حالة الاكتئاب
بقالي اكتر م شهر اعتقد كانت نوبة اكتئاب ..يأس شديد ونظرة سوداوية وصدري ضيق اوي
صاحبها فقدان شهية “على طول شهيتي ضعيفة بس بتضعف اكتر ف الحالة دي”
ونقصان وزن وهمدان وخمول وضغط واطي وقلة تركيز و أرق و انعدام طاقة
وقولتله اني حاسة ان شوية بكون مكتئبة وشوية ببقى فايقة شوية
قالي كل تعبك دا نفسي وانتي بايبولار ..قولتله بس اعرف ان البايبولار ف الهوس بيكون كثير الحركة والكلام ..بس انا بتبقى الدوشة جوايا و ف الحالتين قصاد الناس ببقى هادية ممكن اهز رجلي كتير بس ..قالي مش شرط تكون كثرة حركة
وقالي في وسواس قهري
انك لو اتحركتي هتتعبي ف تفضلي قاعدة
لسه هروح استشارة بس دماغي مموتاني ان التشخيص غلط او اني معبرتش صح
اداني اميبريد قبل النوم و لوسترال بعد الفطار
اول خمس ايام الاكتئاب زاد اوي.. وتوتر شديد واعصابي سايبة و ارق وقلق زايد ف النوم ..وبعدها هديت شوية و مزاجي اتحسن و بالتدريج نفسي اتفتحت و حاولت ارجع لحياتي الطبيعية ..بس برده لازال الزهق والتململ و التفكير الكتير والحركة القليلة
امبارح نسيت اميبريد قبل النوم بالنهار كنت عادي مع اخر النهار حسيت بتوتر وحاليا ارق
هل تشخيص الدكتور صحيح
-
1 رد
-
أسأل الله لك تمام الصحة والعافية.
الأعراض المذكورة هي أعراض نوبة اكتئاب واضحة لكن لاأري فيما ذكرتيه من أعراض أي علامة واضحة علي اضطراب ثنائي القطب (Bipolar Disorder) .. الشعور بالتحسن النسبي ليس دليلا علي اضطراب ثنائي القطب بل كثيرا ما يحدث تحسن نسبي لأعراض الاكتئاب خلال نوبة الاكتئاب أحادي القطب.
التحسن الذي شعرتي به بعد 5 أيام من تناول الدواء هو في الغالب بسيبب دواء الليسترال وهو الاسم التجاري لمادة السيرترالين (sertraline) و هو أحد مضادات الاكتئاب .. لا أري داعي واضح من الخلال سؤالك لاستخدام دواء أميبريد وهو الاسم التجاري لمادة أميسولبرايد (Amisulpride) وهو أحد الأدوية التي تستخدم في علاج الذهان و يستخدم بشكل أقل في علاج اضطراب ثنائي القطب.
سيكون من المفيد مناقشة مشاعرك وقناعتك بالتشخيص مع طبيبك المعالج فربما يكون الطبيب قد لاحظ بعض الأعراض التي لم تذكريها في السؤال وساعدته تلك الأعراض للوصول إلي التشخيص .. الحوار الدائم بين الطبيب والمريض هو الطريق الوحيد لاستمرار العلاقة والثقة بينهما لاستكمال رحلة العلاج والتعافي.
Log in to reply.