fbpx

موسوعة الأسئلة الطبية

اعثر على إجابات لكل ما يدور بذهنك واطرح المزيد من الأسئلة
تواصل مع مجتمع من أفضل الأطباء العرب حول العالم.

اسأل الأطباء أو ابحث عن اجابة لسؤالكإجابات الأطباءالطب النفسي" بنتي عصبية وعنيفة… ما هو علاج العصبية عند الاطفال "

  • " بنتي عصبية وعنيفة… ما هو علاج العصبية عند الاطفال "

    منشور من طرف نهال على 2023-07-24 في 03:04

    بنتي عندها 12سنة وكانت متأخرة في الكلام بس احسن دلوقتي الحمد لله بس لسة عندها مشكلة في ثقتها في نفسها وهي الكبيرة عصبية جدا مع أخواتها وبعض الأوقات عنيفة مع أنها حنينة شوية متملكة وعندنا مشكلة تأخر دراسي ورفض للمذاكرة بشكل كبير جدا وده مقال مستواها جدا عدم انتباه وتركيز وتشتت بشكل كبير ارتباط كبير بالتليفزيون والموبايل اسفة على الإطالة

    صحة سكاي أجاب منذ 2 الشهور و 4 أسابيع 4 أعضاء · 3 الإجابات
  • 3 الإجابات
  • نشوى حيده

    عضو
    2023-07-24 في 09:39
    Up
    0
    Down
    ::

    السلام عليكم

    لحد 12 سنه كان فيه تأخر في الكلام ؟؟؟؟
    تأخر الكلام عند الاطفال بيبدأ يتعالج من ٣ او ٤ سنين ، يعنى في اول حياه الطفل وبدرى اوى علشان يدخل المدرسه ويكون قادر على التخاطب والكلام بشكل سليم وطبيعي ومايحسش باى نقص او اختلاف عن باقي زمايله
    لكن بنتك قضت سنوات كتيره من عمرها وعندها مشكله في الكلام والتواصل مع اللى في سنها وجايز حصل معاها تهتهه وجايز كان فيه تريقه عليها ودة من أهم أسباب العصبية عند الاطفال
    كل ده ادى الى عدم ثقتها بنفسها والعنف مع اخواتها اللى شايفاهم بيتكلموا كويس وبشكل طبيعى وهى لأ ، وطبعا فيه تأخر في الدراسه لانها احتمال تكون مش عايزه تروح المدرسه اصلا لانها مش قادره تتكلم وتستوعب زى زمايلها ولان تفكيرها وتركيزها كله في التنمر اللى هى خايفه يحصل لو اتكلمت معاهم او اتكلمت امام الفصل لو اتطلب منها الكلام
    لازم تلجأى لمعالج نفسي او اخصائيه نفسيه تعالجها نفسيا بالعلاج المعرفي السلوكى او اخصائيه في تعديل سلوك الطفل علشان تصحح وتعالج باذن الله كل السلوكيات الى بنتك بتتعامل بيها واللى هى ناتجه كلها من تاخر الكلام لسنوات

    انا اللى اسفه على الاطاله ، مش انتى .

    اتمنى ليها وليكى كل التوفيق

  • Up
    0
    Down
    ::

    يسعد مساءك بكل خير طيب غيرى طريقة تعاملك انتى معها اولا عايزك تحكي مع نفسك بالشكل ايجابي افضل من كده انتى انسانة مميزة وناحجة غير كده كلنا عندنا نفس شعورك انا مقدرة الضغط العصبي اللى عليكى ليكى بس شوية خطوات الاول تجنبي اى محفزات عصبية مارسي اى نوع رياضية حتى لو هتنزلى العيال المدرسة تمشي ربع ساعة هيفرق معاكي جدااا كمان عايزكى تتنفسي تاخدى نفس وتحبسها 4 ثواني وتخرجه 4 ثواني كررى كذا مرة لغاية لم تهدى كمان لم تحسي انك هتتعصبي ع اولادك ابعدى عنه فى لحظة دى ادخل البلكونة او اعمل اى حاجة فى المطبخ او اخدي شاور او اتوضي وصلي او ادخلى اوضتك وخدي نفس كذا مرة واهدي وراجعى اتعاملى ..كمان اخدى بالك من صحتك اكلك اكلى سلطة فاكهة المهم دخلى اى اكل صحي كمان اكتبي كل مشاعرك واحساسيك ع الورق ارخص طريقة للعلاج بجد رائعة كمان اهتمى بذاتك ونفسك وكمان اقضي وقت مع صحبة الايجابية …انا فى انتظار ردك عليا

  • صحة سكاي

    الوسيط
    2023-12-06 في 23:47
    Up
    0
    Down
    ::

    يتمنى لك موقع صحة سكاي دوام الصحة والعافية.

    يمكنك الاطلاع على المقال التالي لمعرفة المزيد عن كيفية التعامل مع العصبية والعناد عند الاطفال.

    https://www.sehasky.com/%d8%a7%d9%84%d8%b9%d9%86%d8%a7%d8%af-%d8%b9%d9%86%d8%af-%d8%a7%d9%84%d8%a3%d8%b7%d9%81%d8%a7%d9%84-%d8%a7%d9%84%d8%a3%d8%b3%d8%a8%d8%a7%d8%a8%d8%8c-%d9%88%d8%a7%d9%84%d8%b9%d9%84%d8%a7%d9%85%d8%a7/

Log in to reply.