معالج/ هشام خاطر
تم إنشاء إجابة طبيب
-
إنتِ ضحية مش مذنبة، اللي حصل جريمة كاملة ومافيش أي ذنب عليكي لا من قريب ولا بعيد. طفلة عمرها أقل من ٩ سنين مستحيل تكون أغرت حد أو كانت سبب، شرفك وقيمتك مش في غشاء، العذرية مش مقياس الأخلاق ولا الطهارة، ربنا وحده أعلم بالقلوب، وهو شاهد على ظلمك. اللي حصل ماينقصش منك كبنت ولا كإنسانة، وإنتِ بنت كاملة، محترمة ونقية رغم الألم. خوفك من الزواج مفهوم، بس الزواج مش حرام عليكي ولا عيب، وماضيك ده مش عار، ده ابتلاء. اللي آذاكي هيحاسَب، حتى لو عايشين ومبسوطين دلوقتي، ربنا مبينساش. اللي محتاجاه دلوقتي توقفي جلد نفسك، الذنب مش ذنبك. ومنغير كشف انتي بناءا علي اللي قولتيه عذراء تماما حتي من الناحية الجسدية . خدي قرار الزواج لما تحسي إنك مستعدة نفسيا مش خوف ولا ضغط وممكن تتواصلي مع اخصائي او اخصائية نفسية وتتابعي لو مش عارفه تخرجي من مشاعر القلق والخوف.
ربنا شايف دموعك، وتعبك مش ضايع.
-
تم تعديل هذا الإجابة منذ 2 أسابيع و 3 أيام بواسطة معالج/ هشام خاطر .
-
تم تعديل هذا الإجابة منذ 2 أسابيع و 3 أيام بواسطة
-
اللي بتمري بيه مش معناه إنك إنسانة وحشة ده نتيجة صدمة قديمة + إدمان غير طبيعي شكّل استجابة غلط في دماغك, المشاعر الغريبة دي اسمها إعادة تمثيل للصدمة، وبتحصل عند ناس كتير اتعرضوا لتحرش أو اعتداء و اتعرضوا لمثيرات كتير في الموضوع ده من فيديوهات عنف فسن مبكر ادي لادمان, ده مش رغبة حقيقية منك ده دفاع نفسي اتعوّدتي عليه
والحالة دي قابلة للعلاج جدًا وبترجع للطبيعي مع شوية شغل نفسي وسلوكي .
-
تم تعديل هذا الإجابة منذ 1 شهر و 3 أسابيع بواسطة معالج/ هشام خاطر .
-
تم تعديل هذا الإجابة منذ 1 شهر و 3 أسابيع بواسطة
-
أنا حاسس قد إيه اللي مريت بيه كان تقيل ومربك، خصوصًا إن الأعراض بدأت فجأة وغيرت إحساسك بنفسك وبجسمك, الواضح من قصتك إنك بذلت مجهود كبير جدًا في العلاج الدوائي، وده شيء يُحسب لك، لكن في حالات زي حالتك الدوا لوحده غالبًا مش كفاية.
الأعراض اللي لسه موجودة زي:
الأفكار القهرية والانتحارية بدون رغبة حقيقية
الخوف من فقدان السيطرة
الانفصال عن الذات والواقع
الفراغ والتعب النفسي
دي أعراض تحتاج علاج نفسي منتظم مع أخصائي نفسي متخصص، جنب المتابعة مع الطبيب النفسي.
العلاج النفسي (خصوصًا العلاج المعرفي السلوكي أو علاج الصدمات) بيساعدك تفهم اللي بيحصل جواك بدل ما تخاف منه تتعامل مع الأفكار القهرية بدون صراع تستعيد الإحساس بالأمان في جسمك ونفسك وتقلل الاعتماد الكامل على الدواء مع الوقت
كمّل متابعة طبية، لكن ابدأ أو التزم بجلسات علاج نفسي منتظمة، لأن التعافي الحقيقي بيبقى من الاتنين مع بعض، مش من الدواء بس.
ولو حابب، نقدر نحدد مع بعض إيه نوع العلاج النفسي الأنسب لحالتك وخطوات البداية.